د سعد خیریه نهاد هڅې، چې د خپل ولس د چارو دسمون لپاره یې ترسره کوي.

د "سعد خیریه نهاد" په هڅو سره په ډېرو سیمو کې د زده کوونکو لپاره د زده کړې او پوهې زمینه برابره شوې، کوم چې په تېر کې له همدې ستر نعمت نه، بې برخې و.
په ډېرو سیمو کې له نادارو سره د نغدي همکاریو تر څنګ د خوراکي او نورو اړینو توکو لازمي مرستې شوې.
د همدې نهاد په مالي ملاتړ د هیواد د بېلابېلو سیمو د ډول، ډول ناروغانو  وړیا (مفته) درملنه شوې. 
د ډېرو سیمو یتیمان، بې وزله او بې سرپناه ماشومان د همدې نهاد په مرسته له کورونو نه، برخمن شوي.
د همدې نهاد په مالي لګښت په زیاتو سیمو کې د سیلابونو مخه نیول شوې، چې له امله یې د ډېرو خلکو د ژوند تر څنګ کرنیزې زمکې هم له تباهۍ نه، ژغورل شوې.
په ډېرو اړمنو سیمو کې د همدې نهاد په زیارو د مسلمانانو لپاره یو لړ "عبادت ځایونه" (مسجدونه) جوړ کړل شوې او ترمیم شوي دي.
د همدې نهاد مسئول مولوي محمد سالم "سعد" یو زیار کښ شخصیت ده، په ټول توان هڅه کوي، چې د ځورېدلي او کړېدلي ولس لپاره د ژوند په ټولو چارو کې اسانتیاوې رامنځته کړي. په تېره بیا په هغو سیمو کې، چې هغلته ولس په بشپړه توګه د ژوند له ټولو صحي، علمي، او اقتصادي رنګینیو بې برخې دي.
نوموړی نهاد کومه معلوم مدرک او سرچینه نه لري، چې له هغه نه د ټولو تر لاس لاندې پروژو د بشپړېدو لپاره ترې ګټه واخلي؛ نو له همدې کبله د یاد نهاد مسئول او اداره له شتمنو، تجارانو او اهل الخیر وګړو نه په خورا درنښت هیله کوي، چې د همدې نهاد له لارې له اړمنو، بېوزله او دردمنو هیوادوالو سره مرستې وکړي، ترڅو هغوی هم د نورو په څېر د ژوند روزمره چارې په ښه توګه مخته یوسي. له نبوي وینا سره سم، که څوک د یو مسلمان ورور له سره درد او کړاو پورته کړي او د هغه د ژوند په ښه کولو کې مرسته وکړي؛ الله پاک به له هغه نه، دقیامت د ورځې کړاوونه پورته کړي.
سعد خیریه نهاد ژمن ده، چې ستاسو مرستې به په شفافه او عادلانه توګه اړمنو کورنیو او وړ وګړو ته بې له ځنډ او خنډ نه، رسوي